Балет

Ана Ројдева, сопран. Родена 02.08.1978 година во Скопје. Завршила соло пеење на Факултетот за Музичка уметност во класата на професор Марија Муратовска-Наумова. Во текот на студирањето настапува на концерти организирани од ФМУ и на мајсторската школа на Мирела Паруто и Антонио Боаје во рамките на Интерфест -Битола. Нејзин постојан ментор е М.р Славица Петровска-Галиќ, Уметнички директор на Операта при МОБ  и првенец на Операта .

Искра Шукарова, кореограф и истакнат солист. Завршила нижо и средно Музичко балетско училиште во Скопје отсек класичен балет. Современ балет студира на Конзерваториумите во Лион, Франција. Дипломира Историја на уметноста и Археологија на универзитетот `Св. Кирил и Методиј` во Скопје. Магистрира танцови студии во Лабан центарот во Лондон.

Марија Јосифовска, родена на 27.09.1979 година во Скопје, своето балетско едуцирање го започна на својата седумгодишна возраст во Пионерскиот дом `Карпош` - Скопје, од  каде продолжува во нижото балетско училиште `Илија Николовски Луј` во класта на проф. Елисавета Кушовска. Средно образование го завршува со одличен успех и големо искуство на балетската сцена, како резултат на учеството на неколкуте натпревари и семинари на кои учествувала (Варна - Бугарија, Лозана - Швајцарија, Казанлк - Бугарија, Кастр - Франција, Конгрес на млади таленти во Реџо ди Калабрија - Италија итн.) и завршните годишни концерти, во кои секогаш настапувала со солистички улоги (како што се Симфонија на цвеќето, Заспаната убавица, Дон Кихот и др.).

Бобан Ковачевски- роден 15.10.1988 год. во Скопјe.  `Илија Николовски Луј` го заврши во класата на проф Елисавета Кушовска. За време на своето школување учевствуваше на сите годишни концерти со соло улоги и одговорна задача. За време на своето школување настапуваше во Бриндизи-Италија, Белград-Србија, Пловдив-Бугарија, Тиват-Црна Гора и др.
Сезоната 2005-2006 година престојуваше на специјализација во Киев-Ураина на академијата `Кмуат` а воедно работеше и на задолжителните вежби кај еминентни и светски познат проф В.Денисенко (првиот професор на светскиот играч Михаил Баришњиков). Воедно ги усовршуваше и другите предмети како што се класичен балет, историски игри, карактерни игри, современ танц, фолклор и предметот репертоар. Со него работеа врвни, еминентни балетски педагози и репетитори.

Катерина Кипроска, првенка. Родена на 26.07.1971 година во Гостивар. Комплетно основно и средно балетско образование го завршува во МБУЦ `Илија Николовски Луј` во класата на проф. Елисавета Кушовска. Во МОБ - Балет е вработена од 1990 година. Во 1993 година престојува 3 месеци во Националниот балет во Торонто, Канада. Веќе од 1996 година добива статус на првенка во МОБ - Балет, Скопје. Во 1997 година престојува 1 месец во театарот Станиславски во Москва. 2004 година дипломира на Академијата за Музичка и танцова уметност во Пловдив, Бугарија. Во периодот од 2004 до 2006 година е Уметнички директор на МОБ - Балет. Од 2006 година е Уметнички директор на Европскиот Колеџ - Атина.

Александра Мијалкова е родена на 24.06.1973 година во Скопје. Основно и средно балетско образование завршува во МБУЦ `Илија Николовски Луј` во Скопје, во класата на балетскиот педагог Ѓурѓица Јовановска. Во 2006 година дипломира на `Украинската Академија за танц - Киевски факултет за кореографија на меѓународниот Славјански Универзитет`, отсек педагог - репетитор за класичен балет. Од 1991 година е вработена во Македонската Опера и Балет како редовен член на балетскиот ансамбл.